Velikobritaniyada (İngiltere) kol tutuşdan (armrestliñgden) duniya çempionatda respublikanı sportsmenleri cetişimleri bla köbleni seyirsindirgendile.

Erişüv Mançestır şaharda ötgendi. Arı 5 sportsmen bla birge Karaçay-Çerkesiyada kol tutuşdan federatsiyanı prezidenti, duniyanı 5 kere çempionu Çotçalanı Rasul, Karaçaevskede sport hakından komitetni başçısı Bagatırlanı Abu-Hasan, komandanı treneri (antrönör) Ebzelanı Murat bargandıla. Velikobritaniyada bolgan çempionatha 54 kraldan 750 sportsmen koşulgandı. Alçılık Karaçaylılaga cetgendi.

Çomalanı Robert, kol küçün körgüzüb, Mançestırdan altın bla cez medalla keltirgendi. Çagarlanı Kazbek da trenerin altın emda cez medal bla kuvandırgandı. Bayramuklanı Üsuf kümüş medalga tıyınşlı bolgandı. Borlaklanı Muratha cez medal bergendile.

“ Em igi körgüzümlege va Batçalanı Bella cetgendi. Ol, kızlanı aralarında, eki kolu bla da erişivde horlamlı bolub, 2 altın medal algandı! ” dedi Çotçalanı Rasul. Rossiyanı cıyım komandası karaçay sportsmenleni cetişimlerini küçünden duniya çempionatda birinçi orunnu algandı. Çempionatnı bardırganla aythandan, kol tutuşdan sportnu Olimpiadaga koşarga madarla etiledile. Pekinde bardırıllık Olimpiadada kol tutuşçula erişirikdile, deb ışanırçadı. Alay ese, bizni caşla anda çempionla bolub da kuvandırırla.

Gazetni informatsion kullugu