Cetişimli colowçuluq
Bu künlede Turtsiyada (Türkiyada) «Beykots» sabiy
çıgarmaçılıqnı festivalına bizden barganla quwanıp qaythandıla.
Añga Tırnawuz
Şaharnı Kul’tura dvoretsinden «Salam» tepsew ansambl’ (başçıları Qudaylanı Muhtar bla Budaylanı
Ruslan) em QMR-ni
Bilim beriw em ilmu ministerstvosunu caş tölü
em sabiy çıgarmaçılıgını arasını «Ritmı gor»
dowlistle ansambl’ (başçısı Arsen Aloev) qatışhandıla. Makedoniyadan, Bolgariyadan, Gruziyadan, Azerbaydcandan
bargan kollektivle bir birlerini işlerine ullu es burgandıla. İskusstvonu
bu ariw bayramında bizni respublikadan da sabiyle bolganları bek alamatdı. Bılayda «Mustañg»
aviakompaniyaga ençi ıspas eterçadı: ol alaga biletleni
uçuz bagası bla sathandı.
Festival’ga cıyılganla
«Salam» bla «Ritmı gor» ansambl’leni ustalıqlarına biyik baga biçgendile.
Kontsertleni açhan,
caphan da biznikile etgendile. Festival’ boşalgandan sora, eki ansambl’ da Çinarcikge
barıp, eki künnü içinde kontsertle bergendile. Sabiyle,qonaq üyde ugay, türklü
üyürlede caşagandıla, alanı adet-qılıqları
bla şagıreylenñgendile. Dagıda turistle
bek süygen cer Termal’da da bolgandıla, Miniatürkge qaragandıla:
mında Turtsiyanı
bek seyirlik zatları, gitçe formalada etilip, açıq
cerde salınñgandıla.
Cuwuq zamanda Stambulda
(Istanbul) biyagı sabiy
festival’ bolluqdu. Arı «Ass-Alan» ansambl’ni çaqırgandıla. Sözsüz,
halqlanı aralarında şuöhluq, bir birni añgılaw bıllay
festival’ladan başlanadı.
BAYSILANI
Marziyat.
ZAMAN 04-05-2006