AKBİLEK
Hurzuk başında, tau' citini tüz töppesinde çımmak kala cıltıragandı. Kayalanı tögeregin da tau' citile kurşalab, kün tayakla araları bla, suv şorkalaça, cıbdırılıb ötgendile. Tübü va -tübsüz car.
Ol kalada bir seyir Biyçe caşagandı. Bertatuvnu süygen egeçi obur Akbilek bolgandı ol. Anı sanları karañgı keçeni künça carıthandıla. Künnü közün kamatırça, alay seyir cıltıragandıla Biyçeni çımmak sanları.
Kalanı terezesinden kolun tışına uzatsa, Ullu Kam tüz carıb, Koban başlanñgan cer kündüzça carık bolub kalgandı. Koban suvnu birinçi tamçıları da, çık tamçılaça, cim-cim cıltırab, bir-birlerin bay ete, sarka kelib, şorkulday, alaydan töben sarkıb ketelle.
Ullu Kam'nı arı canı bla kalanı arasın da Akbilek sokgan çepkenlikden col tartılıb bolgandı, kiyik cünnü kök mamugundan sogulgan çepkenlikden.
Ayüv'çü, Akbilekni eri, bir zalim zat bolgandı. Ol keçele bla hanlanı, patçahlanı huremlerin tonab ızına kaytsa, Akbilek, terezeden kolun uzatıb, Ullu Kam tüznü carıtıb, köpürden eri kıynalmay ötüb turgandı.
Bir colda Ayüv'çü, nasıbsız kişi, nakırda etib:
- Endi huremleni tonarık tüyülme. Altın-kümüş salır cer tabalmaybız kalada. Kacar patçahnı bir seyir kızı bardı deydile. Anı alıb keleyim. Seni koluñg da muthuz bola başlagandı, -deb ketgendi, oynay-küle coluna.
Allay açıuvlangandı Akbilek. Talay künnü ökünüb turub, Ayüvçünü kaytıb kelgenin anı katırını kümüş koñgrau'çugundan bilib, uyañgandı Akbilek. Erlay kimni alıb kele ese da bir köreyim deb, bilegin terezeden tışına uzatıb, duu' candırgandı Ullu Kamnı.
İzlegenin köralmaganında, esleyala bolmazma, asırı karañgıdı deb, terezeni kengine açıb, öşünün da çıgargandı tışına. Katırnı, közleri kamab, başı tögerek aylanñgandı. Bara barıb, köpürnü arasında abınıb ketib, miyikden Ullu Kam'nı ullu tolkunlarına tüşgendi. Ol kün Ayüvçünü artmaklarında altınları suvda erib, çabaklanı üslerine çabhandı. Andan beri Koban'nı çabagına altın çabak deydile, Hurzuk başında ak kalaga da -Akbilekni Kalası.
Bu tauruhnu, Karaçay-Çerkez Cumhuriyetde, Üst-Cögetey şaharda caşagan, Bayramuklanı Borisni kızı Aminat'nı avzundan cazıp algan; Semenlani Cottanı kızı Indiradı.
Cıl 2002.
Kaynak: http://altaica.narod.ru
Düzenleyen: isazade
isazade@gmail.com
www.AfyonKaracay.com