<< Elbrusoida >> Saytnı Karachay-Malkar Cumhuriyetindegi Temsilcisi
Zamannı şartları Taza niyet - ogurlu işle Moskva’da Karaçay-Malkar caş tölünü aynıtuvga sebeplik eter murat bla «El’brusoid» camavat fond kuralganlı üç cıl boladı. Anı, İnternetde allay at bla saytnı da kurar akılga biznesmen Totorkullanı Aliy bla anı şuöhları kelgen edile. Bu proektni* borçların bla muratların süzgenlerinde va, «Taza niyet - ogurlu işle» degen çakıruv alanı eslerine kelgendi em ol «El’brusoidni» bitov işini başmaganasın tutadı.
Bılay karaganda, saytnı borçu tınç körünedi. Alay ol bek cuvaplı, ullu da borçdu: añga kirgenlege karaçay-malkar halknı caşavunda bolgan cetişimleni, ogurlu işleni, anı ahşı şartlarını üslerinden bildirirge, bizni milletleni kulturaların, bilimlerin, ırıshı kolaylıkların ösdürürge sebeplik eterik işleni tamamlarga koldan kelgeniça boluşurga. Bir erlileribizni üslerinden haparlay, biz, bu izdaniyanı* jurnalistleri, kesibiz da köp şartlanı üslerinden bilebiz, bizni halkıbıznı allay bir bay tarıhı, adet-töreleri bardıla, alıka atları aytılmagan hunerli, bilimli, usta adamlarıbız, tuvra etilmey turgan maganalı işleribiz alay köpdüle, bir-birlede seyirge okuna kalasa.
Bir zatnı çertip aytırga süeme: «El’brusoid» sayt orus tilde çıkgan birinçi karaçay-malkar İnternet izdaniyadı*. Anı politika bla bir türlü baylamlıgı cokdu, kultura-carıklandıruv maganası bardı. Ol başha halklaga da açıkdı, kün sayın cangırtıla turadı. Bıyıl anda «Bizni konşularıbız» degen cañgı rubrika* açılgandı em Adıglanı kul’turada bla iskusstvoda* atları aytılgan adamlarını üslerinden oçerkle* bla stat’yala* basmalanñgandıla. Saytha salınñgan suratla ençi cerni aladıla. Mında tört minñge cuvuk surat bardı. Alanı aslamısın anda başha cerde körür amal cokdu. Beri duniyanı bitov cerlerinden adamla
Anı hayırından kısha zamannı içinde bizni halkıbıznı duniyanı 91 kralında caşagan miñgle bla keleçileri bir birlerin tanıgandıla. Añga artıkda terk-terk kirgenle Rosseyde, Amerikada, Avstraliyada, Türkde, Kazahstanda, Ukrainada, Saudi Arabiyada caşaganla bolganlarına internet-statistika sistemanı şartları şagatlık etedile. «El’brusoid» saytnı basma izdaniyasını – ariuv kagıtda köp suratları bla jurnal-daydcestni* birinçi nomerini çıkganıda karaçay-malkar jurnalistikada belgilerça iş bolgandı. Mında karaçay-malkar intelligentsiyanı atları aytılgan keleçilerini üslerinden oçerkle*, zarisovkala*, korrespondentsiyala* basmalanırıkdıla. Busagatda anı kozuvlü nomeri hazır etile turadı. Ol mından arı da dayım çıkganlay turlukdu.
Fondda em anı izdaniyasında* işlegenle çıgarmaçılık işden başha köp maganalı cumuşla tamamlaydıla. Cıl sayın Moskvanı biyik okuv üylerinde okuganlanı tübeşuv Karaçay-malkar caş tölünü köp bolmay allay bir tübeşuvlerinden birini üsünden ençi aytırga süeme. Ol ullu bayramça ötgen edi. Anda halkıbıznı namıslı adamları: RF-ni Kıral Dumasını deputatı*, Rosseyni İlmula akademiyasını akademigi Zaliyhanlanı Mihail, professor, ekonomika ilmulanı doktoru, Rosseyni tekstil’ em ceñgil promışlennost’* institutunu prorektoru Aydinlanı Halin, tehnika ilmulanı doktoru, Moskvada ommunal’nıy* mülknü bla kuruluşnu institutunu professoru Aliylanı İsmayıl, ekonomika ilmulanı doktoru, M.V. Lomonosov atlı MGU-nu professoru Hubiylanı Kaysın em başhala söleşgendile.
Bıllay işleni kuravga Otarlanı Kerim atlı fond tiri katışadı. Ol caş tölüge har zamanda da ullu es buradı, igi okugan studentlege bla aspirantlaga* ahça sau'gala beredi. Andan sora da Fondnu* boluşlugu bla karaçaylılanı bla malkarlılanı literaturalarını bla kul’turalarını üslerinden bir nença kitap çıgarılgandı. Bizni belgili hudocnikleribizni* surat reproduktsiyaları bla kabırgaga tagılgan kalendar’* basmalanñgandı. «Karaçay-malkar poeziyanı* antologiyası» hazır bola turadı. Birinçi karaçay-malkar entsiklopediya bla baylamlı iş baradı. Malkar drama teatrnı* aktöru Atmırzalanı Rasulnu tiri katışuv bla karaçay-malkar tilde halk artıkda bek süygen mul’tfil’mle malkar em karaçay tilge köçürüledile.
28 Mart 2006 – Zaman |
|
| Düzenleme : www.AfyonKaracay.com | |
| << artha | |
