TAU'LANI ATASI

ELBRUS - MİNÑGİ TAU'

Bu taunu eteginde caşagan camagat, taunu atına Elbrus degenleri üçün, İran historiyaçıları (tarihçileri) dagıda dünyada başga historiyaçıla da bu taunu atına Elbrus degendile. Elbrusnu maganası; bur-burgan, çaçgan, tebretgen, us-allay halisi, karakteri bolgandan keledi. Karaçay-Malkarlıla bu tauga dagıda Miñgi -Tau (ullu, kart, miñgli) da deydile. Karaçay-Malkarnı Nart Eposlarında (Nart Destanlarında) bu tauga Altın-Tau, Ot -Tau deb da aytılgandı. Dagıda köb atı bardı.

Evliya Çelebini cazganlarına köre: "Eski filozoflanı, tefsir bla hadis alimlerini aythanlarına köre: "Bu cer üsünde alemleni carathan ALLAH "Kün" sözü bla cüz kırk ullu tau carathandı. Bu taula bolmasa edi cer haman çaykallık edi. Batlamyus, Bokrat, Sokrat, Pisagor'nu birça aythanlarına köre bu Elbrus Tau da bu taulanı birisi bolup, ol 148 taunu ortasındadı. Munu bla bu Elbrus Tau'unu Düniyanı tam ortasında turganın aytadıla. Alemleni carathan ALLAH'nı bildirgeni Kâf Tau budu.

Arap historiyaçıla bu tauga Taulanı Atası Ebu'l-Cebal dep aythandıla. Ne üçün desegiz taulanı barısıda Çin, Maçin, Hıta, Huten, Fagfur, Hindistañga deri bu Elbrus Tau'ga bitişiktile. Bu taunu tögeregindegi cerlede Tau'istan (Karaçay-Malkar(Taulu)) camagathnı koyçuları cüz mingleça koyları bla İyul (Temmuz) ayda caylıklaga çıgadıla. Munda bolgan hansla, terekle (agaçla), türlü-türlü gokgala jañgız Hz. Ademni tüşgen tau'unda bolurga bollukdu.

Taunu bek miyikligi cazda-kışta kök bulutlanı içindedi. Küçlü celleri terekleni (agaçlanı) tamırları bla çıgarıp atadıla. Ol bek miyik cerlerinde, karda cokdu. Eki-üç künde çıgılgan orta cerlerinde Nuh Tufanından kalgan kat kat saralgan karla bardıla. Elbrus Tau cuklanıp turgan volkandı. Kün batgan canındagı töppesini miyikligi (5642m), bu töppege birinçi 1 Temmuz 1829'da Karaçaylı Hacir'lanı Hillar çıkgandı. Kün bathandagı töppesine (5623m) birinçi Malkarlı Sotta'lanı Ahya çıkgandı.