TAULIT – HALKIBIZNI TİN HAZNASI SAKLANNIK CER 

Bu site (www.taulit.as-alan.com) Karaçay-Malkar cazuvçulanı kıyınlarından kuralgan kütüphane-biblioteka bollukdu. Kalam tuthan taulula – ilmu tintüvlerin, suratlau çıgarmaların da – salırga bollukdula beri. 

Site alfabetik halda caraşdırılgandı. Har bir cazuvçunu işi, anı tukumu, başlanñgan harifde-kübürde bollukdu. Kalamçıla kitabların, kitablıkların da kesleri salırga bollukdula. Ne da bizge iyerge kerekdile bu adres bla: bilallaypan@hotmail.com 

Alay  a, beri kuru Karaçay Malkar Tilde cazılganla salınıb kallık tüldüle. Bizni millet bla baylamlı çıgarmala – kim cazsa da – bizni saytda orun tabarıkdıla. 

Bu bek kerekli işdi.
Bir canından – cazuvçulanı tin haznaları tas bolmazga sebeb bolur. Ekinçi
canından – okuvçula izlegen avtorlarını kıyınların kıynalmay tabarıkdıla. 

Halkıbıznı tin baylıgı bir cerge cıyılırga, saklanırga kereklisin barıbız da añgılaybız. Endi cazuvçula, erinmey, kol cazmaların, kitabların bu saytha cerleşdirirle deb umut etebiz.

Халкъыбызны тин хазнасы сакъланныкъ джер.

Бу сайт къарачай-малкъар джазыучуланы къыйынларындан къуралгъан кютюпхане-библиотека боллукъду. Къалам тутхан таулула – илму тинтиулерин, суратлау чыгъармаларын да – салыргъа боллукъдула бери.

Сайт алфавит халда джарашдырылгъанды. Хар бир джазыучуну иши аны тукъуму башланнган харифде-кюбюрде боллукъду.  Къаламчыла китабларын, китаблыкъларын да кеслери салыргъа боллукъдула. Не да бизге иерге керекдиле.

Алай а, бери къуру къарачай-малкъар тилде джазылгъанла салыныб къаллыкъ тюлдюле. Бизни миллет бла байламлы чыгъармала – ким джазса да – бизни сайтда орун табарыкъдыла.

Бу бек керекли ишди. Бир джанындан – джазыучуланы тин хазналары тас болмазгъа себеб болур. Экинчи джанындан – окъуучула излеген авторларыны къыйынларын къыйналмай табарыкъдыла.

Халкъыбызны тин байлыгъы бир джерге джыйылыргъа, сакъланыргъа кереклисин барыбыз да ангылайбыз. Энди джазыучула, эринмей, къол джазмаларын, китабларын бу сайтха джерлешдирирле деб умут этебиз.

Библиотеканы адреси:
http://taulit.as-alan.com/